15 декабря 2023 05:12
Количество просмотров: 466
2023 жылдың 15 желтоқсаны күні Қазақстан Республикасының Тәуелсіздік күніне орай оқу орнымыздың акт залында салтанатты іс-шара өтті.
Салтанатты іс-шарада оқу орнының дамуына сүбелі үлес қосып, өскелең ұрпақ тәрбиелеу жолында абыройлы еңбек еткендері үшін оқытушылар мен қызметкерлер колледждің 100 жылдық мерейтойына арналған төсбелгілермен марапатталды.
Жиынға әлеуметтік серіктес, Ислямовтар педагогикалық әулетінің өкілдері қатысып, Ислямов Аман Асқарұлына колледждің 100 жылдық мерейтойына арналған төсбелгі табысталды.
Сонымен қатар оқудағы, ғылымдағы, шығармашылықтағы, спорттағы жетістіктерімен ерекшеленген үздік студенттерге Абай, Қ.Нұрғалиев, Тойбагаров, Қанипа Бітібаева, Желтоқсан қаһармандары - Сабира Мұхамеджанова мен Әлімхан Сейпілұлы, Асқар Ислямов, колледжде қызмет ететін түлектер атындағы атаулы шәкіртақылар табыс етілді.
Жұлдызымыз жоғары, еңбегіміз бағалы, мерейіміз үстем болсын!