«Педагогика шыңы» облыстық зияткерлік ойыны
21 апреля 2022 05:04
Количество просмотров: 1708
2022 жылдың 21 сәуір күні ШҚО ТжКББ орталығының педагогикалық бағыттағы оқу әдістемелік бірлестігінің жоспарына сәйкес колледжімізбен бірлескен А.Байтұрсынұлының 150 жылдық мерейтойына орай ШҚО ТжКББ ұйымдарының педагогикалық мамандықта оқитын студенттері арасында QUIZ «Педагогика шыңы» облыстық зияткерлік ойыны өтті.
Зияткерлік ойын QUIZ форматында 3 кезеңнен тұрды. Қатысушылар берілген сілтеме арқылы арнайы https://wordwall.net/ бағдарламада жұмыс жасады.
Тапсырмалар педагогика, жаңа педагогикалық технологиялар, ғылыми педагогикалық зерттеулер, педагогикалық шеберлік, этнопедагогика, тәрбие жұмысының әдістемесі пәндерінен құрастырылып, дайындалды. Бағалау электронды балдық жүйеде жүргізілді.
Ойынға М.Әуезов атындағы педагогикалық колледжі, Жақия Шайжүнісов атындағы электронды колледж, Семей жоғары көп салалы колледжі, Абай атындағы Шығыс Қазақстан гуманитарлық колледжінің 4-курс студенттерінен құралған 8 үміткер қатысты.