«Бірлік power» ШҚО студенттік ассамблеясы ашылды!
27 февраля 2025 04:02
Количество просмотров: 1075
2025 жылдың 27 ақпаны күні Өскемен қаласындағы Достық үйінде «БІРЛІК POWER» ШҚО Студенттік ассамблеясының салтанатты ашылуы өтті! Бұл шара – өңір жастарының басын қосатын, достық пен ынтымақтастықты нығайтатын маңызды қадам.
Іс-шара аясында колледж студенттері үшін Ассамблея куәлігін табыстау рәсімі өтті. Біздің колледж атынан куәлікті Ассамблея жастарының төрағасы Килымбеков Талғат қабылдап алды! Бұл – жастардың қоғамдық өмірге белсенді араласып, жаңа бастамаларға қадам басуына берілген үлкен мүмкіндік.
Осы іс-шара аясында 24-27 ақпан аралығында «Синегорье» базасында ШҚО студенттер Ассамблеясына қатысушы колледждердің өкілдері үшін «Этно Winter Camp» қысқы лагері өткізілді, онда олар үшін Қазақстанның атақты блогерлерінің, белсенділерінің, журналистерінің, ақындарының, актерлерінің, бизнесмендерінің қатысуымен қызықты бағдарлама ұйымдастырылды.