Құқық бұзушылықтың алдын алу
30 мая 2025 02:05
Количество просмотров: 858
2025 жылғы 30 мамырда колледж студенттерімен құқықтық мәдениет пен жеке қауіпсіздік тақырыптарына арналған ақпараттық-танымдық жиналыс ұйымдастырылды.
Іс-шараның басты мақсаты – жастардың заң нормаларын түсініп, құқық бұзушылықтың алдын алуға бағытталған жауапкершілігін арттыру болды.
Жиналыс барысында төмендегі маңызды тақырыптар талқыланды:
Бопсалау және бұзақылық: Студенттерге бұл әрекеттердің қоғамға тигізетін зияны мен ҚР Қылмыстық кодексіндегі жауапкершілік түрлері (194-бап, 293-бап) түсіндірілді.
Жол қозғалысы ережелері: Жолда өзін-өзі ұстау мәдениеті, жаяу жүргіншілер мен көлік жүргізушілерінің міндеттері айтылды.
Әкімшілік және қылмыстық құқық бұзушылықтар: Екі құқықтық ұғымның айырмашылығы мен жазалау түрлері жайлы мағлұмат берілді.
Буллинг: Мектеп пен колледждегі психологиялық қысымның белгілері, алдын алу және жәбірленушілерге көмектесу жолдары сөз болды.
Синтетикалық есірткі: Зияны, таралу жолдары және заң бойынша салдары (ҚР ҚК 297-бабы) нақты мысалдармен көрсетілді.
Менің қауіпсіздігім: Жеке қауіпсіздікті сақтау жолдары, төтенше жағдайларда әрекет ету тәсілдері қарастырылды.
Интернет-алаяқтық: Цифрлық алаяқтықтың заманауи түрлері мен олардан қорғану әдістері түсіндірілді.
Лудомания: Құмар ойындарға тәуелділік пен оның салдары туралы психологиялық және құқықтық аспектілер қозғалды.