«Ұлттық ойындар- бала тәрбиесі мен дамуының өзегі» семинары
24 апреля 2025 01:04
Количество просмотров: 1297
2025 жылдың 23 сәуірінде №6 «Күншуақ» балабақша-бөбекжайында «Ұлттық ойындар – бала тәрбиесі мен дамуының өзегі» атты қалалық семинар жоғары деңгейде өтті. Бұл шарада ұлттық ойындардың бала тәрбиесіндегі орны мен маңыздылығы кеңінен талқыланды.
Семинарға арнайы шақыртылған қонақтар – ҚР Тоғызқұмалақ федерациясының вице-президенті, филология ғылымдарының кандидаты, ҚР Еңбек сіңірген жаттықтырушысы, «Ерен Еңбек» медалінің иегері Шотаев Махсат Есенбекұлы және «Бестемше», «Бүк-шік», «Тектұрмас» ұлттық ойындарының авторы Полатбеков Жандос Аппазұлы болды. Олар ұлттық ойындарды балабақша деңгейінде қолдану тәжірибесімен бөлісіп, қатысушыларға бағыт-бағдар берді.
Семинар аясында балабақша қабырғасында жаңа «Бәйтерек» ұлттық ойынының тұсауы кесілді. Бұл ойынның авторлары: Шотаев Махсат Есенбекұлы, балабақша директоры Ережепова Үміт Серікбекқызы, дене тәрбиесі нұсқаушысы Нұрлыбекқызы Айкерім және «Балауса» мектепалды тобының тәрбиешісі Ғазизханова Айдана Ертайқызы.
Іс-шараның тәжірибелік бөлімінде педагогтер мазмұнды іс-әрекеттер көрсетті:
– Романова А.Р. мен Нүрсейтова А.Б. – «Экологиялық тәрбие» бойынша ұйымдастырылған іс-әрекет,
– Шакеева Б.К. қазақ тілі маманы– «Шаңырақ» ойыны,
– Кабдуалиева Г.К. «Балдырған» ересек тобының тәрбиешісі– үстел үсті «Бестемше»,
– Ғазезова Б.Т. логопед – «Көңіл-күй бестемшесі»,
– Мақпозова Т.Д. бейнелеу өнері маманы– «Тұмар»,
– Нұрлыбекқызы А. дене тәрбиесі нұсқаушысы– алаңдағы «Бестемше» ойынын,
– Кайсенова А.К. дене тәрбиесі нұсқаушысы– «Бескеней» ұлттық ойыны.
Семинар қатысушылар үшін тың идеялармен, ұлттық құндылықтарды жаңғырту жолдарымен және тәжірибеге негізделген мазмұнмен ерекшеленді. Бүлдіршіндердің жан-жақты дамуына үлес қосатын ұлттық ойындарды тәрбие үдерісіне енгізу – басты назарда екені тағы да дәлелденді.