Семинар-практикум

2026 жылдың 6 мамыр күні «М. Мәметова атындағы Қызылорда педагогикалық жоғары колледжі» мен «Абай атындағы Шығыс Қазақстан жоғары педагогикалық колледжі» жанындағы оқу-әдістемелік бірлестіктерінің бірлесуімен «Жасанды интеллект және цифрлық құралдар: оқу үдерісінде қолданудың нақты тәсілдері» тақырыбында семинар-практикум өтті.

Семинар барысында колледждің информатика пәні оқытушылары А.А.Касенова, А.Сайлаубекқызы, Н.Слямғалиева, Ж.Аршын және қазақ тілі пәнінің оқытушысы Г.Т.Бакетаева өз тәжірибелерімен бөлісіп, сабақ барысында жасанды интеллект құралдарын қолданудың тиімді жолдарын көрсетті. Сонымен қатар қатысушыларға түрлі цифрлық платформалар негізінде практикалық тапсырмалар ұсынылып, оларды орындау арқылы жаңа әдіс-тәсілдерді меңгеруге мүмкіндік берілді.

Іс-шара соңында қатысушылар пікір алмасып, ұсыныстар айтып, семинардың тәжірибелік маңызы жоғары екендігін атап өтті.

• ← Пред. новость
• След. новость →