Білім күніне арналған салтанатты іс-шара
2 сентября 2025 03:09
Количество просмотров: 288
02.09.2025 жылы оқу орнымызда барлық курстың білім алушылары үшін «Білім күні. Бейбітшілік күні!» тақырыбында салтанатты шара өткізілді.
Білім күніне орай өткен салтанатты жиында Шығыс Қазақстан облысы Білім басқармасының Техникалық және Кәсіптік білім беру орталығы директорының орынбасары Джантекеева Кабира Кадырбековна құттықтау сөз сөйледі. Колледж директоры, т.ғ.к Курманов Фархад Сақанұлы айтулы мерекемен құттықтай келе, өткен жылда оқу орнының жеткен жетістіктерін атап өтті.
Сонымен қатар колледж түлегі, ардагер ұстаз Аубакирова Алия Райымхановна барша қатысушыларды Білім күнімен құттықтап, жүрекжарды жылы лебізін білдіріп, ұжымға жаңа оқу жылына сәттілік тіледі.
Салтанатты жиын аяқталғаннан кейін 1-курс білім алушыларының ата-аналарымен әкімшілік тарапынан жиналыс өткізілді.
Студенттермен бекітілген аудиторияларда «Адал адам. Адал еңбек. Адал табыс!» тақырыбында бірыңғай кураторлық сағаттар ұйымдастырылды.