«Chocolate Day» волонтерлік акциясы

Колледжімізде 2025 жылдың 23–26 желтоқсаны аралығында «Chocolate Day» атты мейірімділік акциясы өтті. Бұл мерекелік шара Жаңа жыл қарсаңында ұйымдастырылып, студенттер арасында жағымды атмосфера қалыптастыруға бағытталды.

Студенттер бір-біріне шағын, бірақ жағымды тосынсый ретінде шоколад, кәмпит немесе басқа да тәттілер сыйлады. Әрбір тәтті сыйлыққа міндетті түрде арнайы жазба тіркеліп, онда сыйлықтың кімге арналғаны көрсетілді. Мұндай тәтті сыйлықтарды алу әрдайым күтпеген әрі қуанышты әсер сыйлайды, әсіресе мерекеге дайындық кезеңінде.

«Chocolate Day» акциясының басты мақсаты – студенттерге көтеріңкі көңіл күй сыйлау, достықты нығайту және бір-біріне қамқорлық пен ізгілік танытудың маңызын еске салу. Осындай шаралардың арқасында колледжде шынайы мерекелік көңіл- күй қалыптасады. Нәтижесінде бұл акция тек тәттілер алмасу ғана емес, достықтың, қолдаудың және Жаңа жылдық көңіл күйдің символына айналады.

• ← Пред. новость
• След. новость →