Денсаулық күні
28 сентября 2024 12:09
Количество просмотров: 1007
2024 жылдың 28 қыркүйегі күні оқу орнымызда «Дене тәрбиесі және спорт» пән бірлестігі оқытушыларының ұйымдастыруымен дәстүрлі «Денсаулық күні» өтті. Іс-шара салтанатты жиынмен ашылды.
Мақсаты — денсаулықтың маңыздылығы мен мәнін ұғындыру, оның басты құндылық екендігін дәріптеу, зиянды әдеттерден аулақ болуға шақыру, жас ұрпаққа салауатты өмір салтын насихаттау.
«Денсаулық күні» студенттердің флешмоб, спорттық жаттығулардың орындалуымен басталды. Сондай-ақ, дене тәрбиесі пәнінің оқытушылары іс-шараның жоспарымен таныстырды.
Іс-шара барысында қызықты эстафета, көшпенділердің көне ойыны – арқан тартудан жарыстар ұйымдастырылды.
Денсаулық күніне қатысып, жүлделі орындарға ие болған топтар мадақтамалар және сыйлықтармен марапатталды.