«Ұлттық құндылықтар-мектепке дейінгі тәрбиелеу мен оқыту сапасына жаңа бағыт» кәсіби шеберлік байқауы
15 марта 2024 07:03
Количество просмотров: 1088
Дипломалды практика қарсаңында «Бір тұтас тәрбие» бағдарламасы аясында ұлттық құндылықтарды насихаттау және дәріптеу мақсатында «Ұлттық құндылықтар-мектепке дейінгі тәрбиелеу мен оқыту сапасына жаңа бағыт» атты «Мектепке дейінгі тәрбие және оқыту» мамандығының 21-МД-3 тобының білімалушылары арасында кәсіптік шеберлік байқауы өтті.
Кәсіптік шеберлік байқауында білімалушылар «Менің әдістемелік қоржыным», «Ата-аналармен жұмыс», «Көркемдік- эстетикалық даму» кезеңдері бойынша сайысты. Байқау барысында «Айтұмар» тобы «Танымдық және зияткерлік дағдыны дамытуда қолданылатын Воскобовичтың дамытушы ойындары ұлттық құндылықтар жүйесінде», «Айтұлпар» тобы «Коммуникативтік дағдыны дамыту, әлеуметтік- эмоционалды дағдыларды қалыптастыруда инновациялық құралдарды пайдалану», «Айбарыс» тобы «Физикалық даму бағыты бойынша заманауи әдістерді қолдану» тақырыптарында жаңашыл технологиялар мен әдістерін және ата-аналар жұмысын жаңа форматта «Эмоционалды көңіл-күйді қалыптастыру» тренингтері, «Отбасында ұлттық құндылықтарды дәріптеудің жаңа форматы- QUIZ», «Отбасы-тәрбие басы, балабақша-тәрбие жаршысы» кофе-бум ұйымдастыру жолдарын көрсетті.
«Көркемдік- эстетикалық даму» сайысында білімалушылар Ұлттық құндылықтарды дәріптейтін заманауи дамытушы (дидактикалық) құралдар «Даналық қоржыны», «Ұлттық құндылықтар керуені», «Ұлттық асық- асыл қазына» кешен жиынтықтарын демонстрациялады.