Қайырымдылық күні

15 марта 2024 07:03

Количество просмотров: 127

2024 жылдың 15 наурызында оқу орнымызда Наурыз мейрамын тойлаудың тұжырымдамасы негізінде және «Қазақ тілі мен әдебиеті» және «Дене тәрбиесі және спорт» пән бірлестіктерінің апталығының жоспарына сәйкес «Қайырымдылық күні» өтті.

Қайырымдылық күні аясында таңертеңнен колледжге кірген сәттен «Асық ату» ұлттық ойыны ойнатылып, білім алушылармен «Мың бір мақал, жүз бір жұмбақ» сайысы ұйымдастырылып, ұстаздар арасында спорттық викторина өткізілді. Әрине, жеңімпаздар «Наурыз» тәттілерімен марапатталды.

Сонымен қатар, оқу орнымызда ТжКББ ұйымдарының оқытушылары арасында шахматтан облыстық спартакиада өтті.

Күннің екінші жартысында ұлттық салт-дәстүрлерімізді дәріптеуге арналған «Абай тағылымы – ұрпақ тәрбиесінде» атты әдеби-музыкалық қойылым ұсынылды. Іс-шарада 1-курс студенттері балаға ат қою, бата беру, үлкенді сыйлау сынды дәстүрлерін сахналады.