«Болашаққа хат» мәдени-тарихи жоба

Колледжде ұрпақтар сабақтастығын нығайту, рухани-мәдени дәстүрлерді орнықтыру, сондай-ақ қауымдастық пен мұраға деген сезімді қалыптастыру мақсатында «Болашаққа хат» мәдени-тарихи жоба ұйымдастырылып өткізілді.

Жоба аясында колледж қызметкерлері мен студенттері алдағы бес жылға арналған арман-мақсаттары мен тілектерін, сондай-ақ болашақ студенттерге арнаған жүрекжарды хаттарын жазып, арнайы әзірленген уақыт капсуласына салды.

Салтанатты іс-шарадан кейін капсула ресми түрде жабылып, оның бетіне ашылатын күні көрсетілген, сондай-ақ кері санақты бақылауға мүмкіндік беретін QR-код орнатылды.

Болашақ ұрпаққа жол тартқан үміт пен сенімнің символына айналған бұл капсула бүгінде оқу орнымыздың мұражайында сақтаулы тұр.

• ← Пред. новость
• След. новость →