24 мая 2022 04:05
Количество просмотров: 916
2022 жылдың 24 мамыры күні ШҚО Білім басқармасы «ШҚО КББ орталығы» КММ ұйымдастыруымен «Тәлімгер Вожатый Fest – 2022» облыстық фестивалі өтті. Фестивальға педагогикалық мамандықтар бойынша білім алатын ШҚО ТжКБ жүйесі және жоғары оқу орындарының студенттері қатысты.
Фестивальдің мақсаты – жазғы кезеңде балалардың сауықтыруын, демалысын тиімді, сапалы ұйымдастыру және тәлімгерлердің кәсіби шеберлік деңгейін арттыруға жағдай жасау, тәжірибе алмасу.
Фестиваль 4 кезеңнен тұрды: Командалардың өзін-өзі таныстыруы, Үй жұмысы «Лагерьдегі бір күн», «Қызықты ойын», «Жағдаяттық тапсырмалар».
Іс-шара қорытындысы бойынша оқу орнымыздың студенттерінен құралған команда БАС ЖҮЛДЕНІ жеңіп алды.
Фестивальға команданы дайындап, жоғары жетістіктерге қол жеткізуге ат салысқан «Педагогика және психология» пән бірлестігінің оқытушыларына алғыс білдіреміз.
Команданы лайықты жеңісімен құттықтаймыз!