Колледждегі кезекті «Ай қонағы»
3 ноября 2022 03:11
Количество просмотров: 1352
2022 жылдың 3 қарашасында Шығыс Қазақстан облыстық білім басқармасы «Шығыс» өңірлік орталығы мен Абай атындағы Шығыс Қазақстан гуманитарлық колледжі арасындағы серіктестік аясында дәстүрлі «Ай қонағы» кездесуі өткізілді.
Кездесуге «Шығыс» өңірлік орталығының ресурстық кабинет меңгерушісі Асанова Мұңлыхан Ысқаққызы, Риддер қаласы «№2 орта мектебі» КММ қазақ тілі және әдебиеті пәнінің мұғалімі Михайлова Алена Васильевна шақырылды. Колледждің «Қазақ тілі және әдебиеті пәні мұғалімі» біліктілігінің 4 курс білім алушылары ұйымдастырған кездесуде қонақтармен сұхбаттасу, пікір алмасу, тәжірибе бөлісу орын алды.
Колледж білім алушылары ұстаз А.Михайлованың мемлекеттік тілді меңгертудегі өзінің қолданып жүрген тиімді әдіс-тәсілдерімен танысып, әншілік өнерін тамашалады.
«Тілдер және әдебиет» бөлімінің білім алушылары кездесуден ерекше әсер алып, белсене қатысты.