«Ахмет бізбен!» онлайн викторинасы

2022 жылдың 06 сәуірі күні Абай атындағы Шығыс Қазақстан гуманитарлық колледжінде «Қазақ тілі мен әдебиеті» ПТК «Ұлттың ұлы ұстазы» (Ахмет Байтұрсынұлының туғанына 150 жыл) тақырыбындағы апталық жоспарына сәйкес колледж білім алушылары арасында «Ахмет бізбен!» атты онлайн викторина ұйымдастырылды.

Викторина мақсаты - білім алушыларға сұрақтар қоя отырып, олардың білімін сынау емес, Ұлт ұстазының өмірі мен шығармашылығы, ғылыми еңбектері туралы ақпаратпен таныстыру.

Викторинаға колледждің барлық мамандықтары бойынша 1-4 курс білім алушылары арасынан 200-ге жуық білім алушы қатысып, А.Байтұрсынұлының шыққан тегіне, алғашқы жарық көрген кітабы мен Абай туралы мақаласына, әдебиет теориясы, тарихы, методологиясы туралы еңбектеріне қатысты сұрақтарға жауап берді. Барлық қатысушылар ішінен 20 сұрақтың 19-20 дұрыс жауабын берген 27 білім алушы ерекшеленді.

• ← Пред. новость
• След. новость →