Апталықтың ашылуы

2024 жылдың 26 ақпаны күні «Цифрлық әлемге – кемел біліммен» тақырыбындағы «Жалпытехникалық және математика» пән бірлестік апталығының ашылу салтанаты өтті.

Бірлестік апталығының мақсаты – білім алушыларға цифрлық сауаттылық негіздерін үйрету, ақпараттық технологиямен жұмыс істеу дағдыларын дамыту және заманауи цифрлық құралдарды қолдану арқылы нақты ғылымдарға қызығушылықты арттыру.

Апта ішінде математика пәніне колледжішілік олимпиада, «Digital teacher» цифрлық сауаттылықты дамыту аясында ұйымдастырылған шеберлік сабақтары, математика және информатика пәндерінен ашық сабақтар, «Smart game» үзілістерде ойнатылатын интеллектуалды ойындар, физикалық ойын «Бақытты сәт», «Робототехника – болашаққа қадам» интеллектуалды ойын өткізу жоспарлануда.

Апталық білім алушыларға әлемдегі цифрлық дағдылардың маңыздылығын түсінуге, ғылымдар бойынша білімдері мен дағдыларын кеңейтуге, жаңа технологияларды үйренуге қызығушылық пен сүйіспеншілікті дамытуға мүмкіндік береді.

• ← Пред. новость
• След. новость →