Отан қорғаушылар және Жеңіс күні мерекелері

Еліміздің тарихында Отан қорғаушылар және Жеңіс күні мерекелерінің алар орны айрықша. Барлық кезде де туған жерді қорғау – әрбір азаматтың асыл парызы, азаматтық борышы болып саналады.

Бұл айтулы мерекелер бүгін оқу орнымызда ерекше аталып өтті. Жұмыс күні колледждің ер-азаматтары мен ұлдарына арналған құттықтаудан басталып, мерекелік концертке ұласты.

Осы мерекелер қарсаңында колледж ардагерлері мен тыл еңбеккерлеріне лайықты құрмет көрсетіліп, жас буын өкілдеріне олардың жанқиярлық ерлігі үлгі-өнеге болды. Мерекелік іс-шараға қонаққа шақырылған ардагерлеріміз оқу орнын аралап, білім алушылардың концертін тамашалап, мерекелік дастарханнан дәм татты.

Салтанатты концертте сөз алған колледж директоры Ф.Курманов ардагерлерді, ұжымды, білім алушыларды Отан қорғаушылар және Ұлы Жеңіс мерекелерімен құттықтап, бейбіт өмір мен келісім, тұрақтылық пен тыныштық салтанат құруын тіледі.

• ← Пред. новость
• След. новость →