Ата-аналар жиналысы

Вакцинация жұқпалы аурулардан қорғаудың ең тиімді әдісі екені белгілі. Сарапшылар халықтың кемінде 70%-ын вакцинациялау ұжымдық иммунитетті қалыптастыруға және COVID-19 пандемиясын жеңуге мүмкіндік беретініне сенімді.

Бүгінгі таңда әртүрлі маусымдық және созылмалы ауруларға байланысты медициналық қарсы көрсеткіштері бар тұлғалардан басқа колледждің барлық қызметкерлері вакцина алды.

Абай атындағы Шығыс Қазақстан гуманитарлық колледжінде оқитын студенттердің 300-ге жуығы кәмелеттік жасқа толған және 2021 жылдың қыркүйегінде штаттық оқу режиміне шығу үшін короновирустық инфекцияға қарсы егілуі тиіс.

Студенттермен және олардың ата-аналарымен вакцинациялаудың пайдасы мен қажеттілігі туралы медицина қызметкерлерін шақырумен әңгімелер жүргізіледі.

2021 жылдың 17 маусымында ата-аналармен онлайн режимінде Б.М. Шаяхметов атындағы медициналық орталықтың эпидемиолог дәрігері Коляда Юрий Иванович, Өскемен қаласының эпидемиологиялық бақылау бөлімінің басшысы Айдарқызы Арай, «Авиценна» отбасылық денсаулық орталығының медицина қызметкері Рахимбаева Асем Есергазиновна әңгіме жүргізілді. Жиналысқа 200-ден астам ата-аналар қатысты.

• ← Пред. новость
• След. новость →