Семинар

08.06.2023 жылы колледжіміздің 100 жылдық мерейтойы аясында Ұлан ауданы білім беру бөлімінің басшысы, мектеп директорлары және мектепке дейінгі білім беру мекемелерінің басшылары мен әдіскерлеріне арналған тәжірибе алмасу мақсатында семинар-практикум өтті.

Семинар барысында қатысушылар оқу орнымыздағы мектепке дейінгі білім беру құзыреттілік орталығының жұмысымен танысты. Колледждің мектепке дейінгі педагогика және арнайы пәндер бірлестігінің оқытушылары оқу-тәрбие үрдісінде жаңа технологияларды интерактивті құрылғыларды қолдана отырып, шеберлік сабақтарын өткізді.

Сонымен қатар бітіруші топ студенттерімен бос орындар жәрмеңкесі ұйымдастырылды. Семинарға қатысушы жұмыс берушілер тарапынан түлектерімізге ауылдық жердің артықшылықтарына баса назар аударып, мемлекет тарапынан жасалынатын жағдайлар жайлы толыққанды ақпарат берді. Әлеуметтік серіктес жұмыс берушілер өз кезегінде түлектерімізді жұмысқа шақырып, ризашылықтарын білдіріп, алдағы уақытта оқу орнымен меморандум жасауға ұсыныс жасады.

• ← Пред. новость
• След. новость →