12 октября 2023 02:10
Количество просмотров: 279
2023 жылдың 12 - қазаны күні Абай атындағы Шығыс Қазақстан гуманитарлық колледжінде «Ай қонағы» айдарымен
Қазақстан Жастар одағы сыйлығының, Халықаралық «Алаш», «Дарабоз» әдеби сыйлықтарының лауреаты, Баубек Бұлқышев атындағы сыйлықтың иегері, ақын, жазушы, Халықаралық Алаш әдеби сыйлығының иегері Әділбек Ыбырайымұлымен кездесу кеші өтті.
Оған колледж оқытушылары, студенттері қатысып, қазақ руханиятының көрнекті өкілі Әділбек Ыбырайымұлының өмірі мен шығармашылығына қатысты және қазақтың соңғы ханы Кенесары жайлы «Семсер жүзіндегі серт» роман-трилогиясы туралы өздерін қызықтырған сұрақтарын қойып, ашық пікір алмасу мүмкіндігіне ие болды.
Болашақ жастарға арнап өзінің ақжарма тілектерін арнаған жазушы елдің болашағы, ұлттық мүдде, «Жаңа Қазақстанның» болашағы туралы ойларымен бөлісті.
Кездесу соңында колледж директоры Фархад Сақанұлы өз тарапынан да сұрақтар қойып, осындай тартымды да қызықты кездесуге келген «Ай қонағына» алғысын білдірді.