Жаңалықтар
Абай атындағы ШҚГК студенттері сыбайлас жемқорлыққа қарсы!
24 ноября 2023 07:11
Количество просмотров: 257
Колледж студенттері сыбайлас жемқорлыққа қарсы мәдениетті қалыптастыруға бағытталған іс-шараларға белсенді қатысады.
2023 жылдың 24 қараша күні Халық әртістері ағайынды Абдуллиндер атындағы Шығыс Қазақстан өнер училищесінде ШҚО ТжКБ студенттері арасында «Саналы ұрпақ» слет-форумы өткізілді, онда біздің студенттер грамоталар мен марапаттарға ие болды.
«Адалдық – адам бейнесі» тақырыбындағы эссе байқауында І орынды Дәулетханова Алуа (22-ШТ-3 тобының студенті, ғылыми жетекшісі Г.А. Аймуханбетова), «Үздік тақырыпта жазылған эссе» номинациясы бойынша Мұхамжарова Азиза (23-ДО-1 тобының студенті, ғылыми жетекшісі А.Е. Сыдықова) иеленді.
Колледждің белсенді студенттерінің қатысуымен әзірленген «Жемқорлықсыз әлем» тақырыбындағы бейнероликтер байқауында Ержанов Серікжан (21-ББ-1 тобы) «Ерекше және өзекті идея» номинациясы бойынша Құрмет грамотасымен марапатталды.
Колледж студенттері «Жемқорлыққа жол жоқ» тақырыбындағы плакаттар байқауына қатысып, бейнелеу өнеріндегі таланттарын көрсетті.
Слет-форумда ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) ШҚО бойынша департаментінің ұйымдастыруымен өткізілген Республикасы күніне арналған сыбайлас жемқорлыққа қарсы іс-қимыл тақырыбындағы пікірсайыста І орын иеленгендері үшін оқу орнымыздың 22-ШТ-1 тобының студенттері Қыдырмоллаева Амина мен Ұланқадырова Аружанға грамоталар табысталды.
Сонымен қатар, слет-форумда клуб қатарына жаңадан қосылған бірінші курс студенттері үшін «Саналы ұрпақ» төсбелгілері салтанатты түрде табысталды. Абай атындағы ШҚГК өкілі ретінде 23-РЯ-1 тобының студенті Талғат Килымбеков қатысты.
Студенттерімізді құттықтаймыз!