Еріктілер көмегі

«Заң мен тәртіп» жобасы аясында колледж студенттері 2026 жылдың 22 наурызы күні қалалық алаңда өткен Наурыз мейрамын мерекелеу кезінде қоғамдық тәртіпті қамтамасыз етуге белсене қатысты. Студенттер құқық қорғау органдары қызметкерлерімен бірлесіп, қоғамдық тәртіпті сақтауға және қала тұрғындары мен қонақтары үшін қауіпсіз әрі жайлы атмосфера қалыптастыруға өз үлестерін қосты.

Айта кетерлігі, бұл біздің студенттердің мұндай игі істерге алғаш рет қатысуы емес. Олар бұған дейін де кәмелетке толмағандар істері жөніндегі учаскелік инспектор, полиция майоры Жақсыбаева Динара Мырзабековнаға профилактикалық жұмыстарда көмектесіп, өздерін жауапты әрі бастамашыл ерікті ретінде көрсете білген.

• ← Пред. новость
• След. новость →