Еріктілер акциясы «Әйелдерге күлкі сыйлайық!»
5 марта 2026 08:03
Количество просмотров: 50
2026 жылдың 5 наурызында оқу орнымыздың «Орыс тілі мен әдебиеті пәнінің мұғалімі» біліктілігінің 2-курс (24-РЯ-1 тобы) студент-еріктілері Құрылыс-техникалық колледжіндегі әдемі әйелдерді Халықаралық әйелдер күнімен құттықтап, көңілді әрі шынайы музыкалық қойылымдар көрсетті.
Акция барысында студенттер тек өнер көрсетуімен шектелмей, әрбір қатысушының шынайы ықыласы мен жылы лебізі әйелдердің көңілін көтеріп, оларға мерекелік көңіл-күй сыйлады. Қатысушылардың қуанышты жүздері мен шығармашылық энергиясы барлық көрермендерге позитивті әсер беріп, мерекенің мерейін арттырды.
Бұл іс-шара студенттердің ұйымдастырушылық және шығармашылық қабілеттерін шыңдауға, қоғамда еріктілік мәдениетін дамытуға, сондай-ақ әрбір азаматтың игі істерге белсенді қатысуына үлес қосуға бағытталды.