Посвящение в студенты

2025 жылдың 13 қазан күні Достық үйі – Қоғамдық келісім орталығында оқу орнымыздың 1-курс білім алушыларын «Студенттер қатарына қабылдау» салтанатты іс-шарасы өтті.

Бірлік пен ынтымақтастықтың айғағы болған бұл шарада әлеуметтік серіктестеріміз болып табылатын оқу орындарының студенттері белсене қатысып, өз өнерлерін ортаға салды. Олар өз өнерлерімен кештің шырайын келтіріп, бірінші курс студенттеріне көтеріңкі көңіл-күй сыйлап, жүрекжарды құттықтауларын жеткізді. Осындай тағылымды бастамаларға әрдайым қолдау білдіріп, болашақ мамандардың қалыптасуына өз үлестерін қосып келе жатқан ҚАЕУ Президенті Е.А.Мамбетказиевке, С.Аманжолов атындағы ШҚУ ректоры М.Ә.Төлегенге, Халық әртістері ағайынды Абдуллиндер атындағы Шығыс Қазақстан өнер училищесінің директоры А.О.Дюсуповаға, «Үміт» балалар үйінің директоры М.Б.Бейсекановаға, Достық үйі – Қоғамдық келісім орталығының диркторы Е.Т.Толеубековке зор алғысымызды білдіреміз.

Бұл салтанатты шара жаңа өмірге қадам басқан студент жастар үшін жарқын бастаманың көрінісі болды. Шара аясында көрсетілген қолдау мен ықылас – жастарды шабыттандырып, болашаққа сеніммен қарауға жол ашты. Мұндай тәрбиелік мәні зор іс-шаралар жас ұрпақтың саналы азамат болып қалыптасуына септігін тигізері сөзсіз.

• ← Пред. новость
• След. новость →