Студенттік Ассамлея ойындары

2026 жылдың 22 сәуірінде колледжде 1-курс білім алушылары арасында студенттік Ассамблея ойындары өтті. Шараның мақсаты – белсенді азаматтық ұстанымды қалыптастыру, студенттік бастамаларды дамыту, этномәдени құндылықтарды насихаттау, табиғатқа ұқыпты қарауды дәріптеу, сондай-ақ Қазақстан халықтарының мәдениеті мен тарихына қызығушылықты арттыру.
Ойын екі кезеңнен тұрды: «Таза ойындар» кезеңінде әр топтан құралған командалар колледжге жақын аумақта қоқыс жинады. Ал «Этно-квест» зияткерлік-қозғалыс ойынында студенттер Қазақстан халықтарының мәдениеті, салт-дәстүрі мен тарихы бойынша білімдерін сынады.
Қорытынды бойынша:
1-орын – 25-ДТ-1 тобы
2-орын – 25-ШТ-1 тобы
3-орын – 25-ФК-1 тобы
Сонымен қатар, қатысушыларға түрлі номинациялар табысталды.
Ойындардың ашылу салтанатына ерекше қонақтар ретінде Достық үйі – қоғамдық келісім орталығының директоры Юнусов Равиль Александрович және №30 орта мектептің би тобы қатысты.

• ← Пред. новость
• След. новость →