Жаңару күні

19.03.2026 ж. оқу орнымызда «Наурызнама» онкүндігі аясында жаңару мен жасампаздық күніне орай «Жаңару күні» аталып өтті.

Бұл күн табиғаттың оянып, тіршіліктің жаңаратын мезгілімен үндесіп, айналаны көркейту мен игі істер жасауға арналды. Іс-шара барысында студенттер құстарға арнап ұя жасап, оларды ағаштарға іліп, табиғатқа қамқорлық танытты.

Табиғаттың жаңаруы – адам жанының жаңаруымен сабақтас екенін сезінген жастар қоршаған ортаны қорғауға өз үлестерін қосып, экологиялық мәдениеттің маңызын насихаттады.

Аталған шара жасампаздыққа, жауапкершілікке тәрбиелеп, табиғатпен үйлесімді өмір сүрудің құндылығын дәріптеуге бағытталды.

• ← Пред. новость
• След. новость →