«Қонақжай отбасы» жобасы

Өңірде облыс әкімі Д.К.Ахметовтің бастамасымен жасөспірімдерге мемлекеттік тілді үйрету мақсатында «Қонақжай отбасы» жобасы қолға алынған болатын. Оқушыларды Катонқарағай ауданындағы Берел, Өрел, Катонқарағай ауылдарына қонақжай отбасыларына жіберу жоспарлануда. Бұл жоба арқылы өзге ұлт өкілдерінің балалары ауызекі мемлекеттік тілді тезірек меңгере алады.

Осыған орай, колледждің 100 жылдық мерейтойы қарсаңында оқу орнымыздың директорының қолдауымен және «100 игі іс» акциясы шеңберінде 8 студентіміз (Алтынбеков Мейрамбек Еркебланұлы 22-СЖ-2 тобы, Бауыржанқызы Баян 20-ММ-1 тобы, Елдосұлы Данияр 22-ИМ-2 тобы, Козлов Ислам Ермекулы,Табараков Әли Райқанұлы 22-СЖ-3 тобы, Қайырдықызы Ақгүл, Қалымжанова Айжан Нұрданқызы 21-МД-3 тобы, Нұролда Жұлдыз 22-ШТ-3 тобы) аталған жобаға еріктілер ретінде жіберіліп отыр.

Олар тіл үйренушілермен бірге оқу бағдарламасынан бөлек спортпен шұғылдану, табиғатты, тарихты, дәстүрлер мен әдет-ғұрыптарды зерттеу сияқты мәдени іс-шараларды ұйымдастырады.

Студенттерімізге мемлекеттік тіл үйрету жобасында жақсы көңіл-күй мен көңілді демалыс тілейміз.

• ← Пред. новость
• След. новость →