Жас көшбасшылар мектебі

Оқу орнымыздың Катонқарағай ауданы Свинчатка ауылында орналасқан оқу-өндірістік базасында дәстүрлі түрде04.06.22 ж.–10.06.22 ж. (І маусым), 12.06.22 ж.–18.06.22 ж.(ІІ маусым) аралығында «Жас көшбасшылар жазғы мектебі – 2022» ұйымдастырылды.

Биылғы жазғы жас көшбасшылар мектебіне Абай және

Шығыс Қазақстан облыстарының техникалық және кәсіптік білім беретін оқу орындары студенттері қатысты.

Облысымыздың әр аймағынан келген студенттер үшін жас көшбасшылардың жазғы мектебінде уақыттарын қызықты да тиімді өткізу үшін әртүрлі іс-шаралар ұйымдастырылды. Атап айтсақ, «Зияткерлік марафон», «Кейіпкерлер бейнесі», «Лагерь Ханзадасы мен ханшайымы», «Нептун күні», «Турград», «Танысу кештері», «Марвелл», тренингтер, іскерлрік ойындар т.б.

«Жас көшбасшылар жазғы мектебі» студенттер бойындағы көшбасшылық қабілеттерін дамытып, ұжымдық рух қалыптастырып, әр тараптан келген студенттердің ынтымақтастығына жол ашты.

Оқу-өндірістік базасында өткен жас көшбасшылар мектебі студенттер үшін есте қаларлықтай сәттерге толы болды. Маусым соңында демалушылар тарапынан естелік бейнероликтер жасалды. Жас көшбасшылар жазғы мектепте алған тәжірибелерін өз оқу орындарына тарататына сенімдіміз.

• ← Пред. новость
• След. новость →